Novo ano, novas competicións e novos trofeos. O rider valdeorrés Javier Fernández Quiroga (Bicicletas Chinquena de Verín), vén de comezar a tempada cunha contundente vitoria na primeira proba do Endurama (carreira que se fai por distintas zonas de España), disputada o domingo 6 de febreiro en Ponferrada (León) con 230 inscritos.
Na carreira celebrada no corazón do Bierzo, preto de casa, Javier subía ao alto do podio na súa categoría, elite e-bike e tamén en overall e-bike. Ademais o seu compeañeiro de equipo, Manuel Baños Benéitez, vencía en máster 30 e-bike.
Mais o inicio de tempada para o deportista da Rúa e o seu equipo tiña lugar unha semana antes, a finais de xaneiro, sendo convidado xunto ao seu compañeiro Manuel, á Gala do Ciclismo Galego 2020/2021 celebrada en Vilagarcía de Arousa, onde tamén eran galardoados polos seus resultados.
Fotos e vídeo cedidos.