Chocolate e viño. É unha interesante e sabrosa combinación que se despregará no “Taller de cacao e viños doces do mundo” que se celebrará o 10 de novembro (cun horario de 18h. a 20:30h.) na Aula da Servino Consulting na Coruña. Nel contara coa participación dunha das máximas autoridades en cacaos e chocolates do mundo: Daniel Huges. Guiados por el os asistentes farán un percorrido polo mundo do cacao “dende a plantación á elaboración do chocolate”.
No obradoiro abordaranse cuestións como a das sementes, plantacións, recoleccións, elaboracións, a análise sensorial, as orixes e a cata de “Grands Crus Reservas”. Asemade os chocolates irán acompañados de diversos viños doces, coa pretensión de acadar as mellores harmonías: Botríticos, PX VORS, Eisweins, Mistelas, Vendimias tardías, Tokajis. Entre eles non faltarán os tostados galegos.