Multitude de accesorios e as máis variadas pezas artísticas saen das mans do artista da madeira valdeorrés Spoombini, Christian Pombo. A vindeira fin de semana este artesán impartirá un obradoiro no que amosará o seu proxecto e o seu xeito de traballar as madeiras o vindeiro 25 de marzo ás 17h. na Casa do Río Cigüeño no Barco.
A inscrición está aberta a persoas maiores de 16 anos e para participar non é preciso contar con experiencia previa. As persoas interesadas poden anotarse cubrindo o seguinte formulario https://forms.gle/KtTxwxkxpaNFaA4Z9
Este evento será organizado por Valdeorras Vive xunto a Ethos MTÜ e Spoombini co apoio do programa Erasmus+.
