Na fin de semana do 26 e 27 de decembro ás 19h. terá no centro social da Igrexa da Madalena en Ribadavia o remate da oitava edición do ciclo de outono “Miradas Etnográficas”. Nela están previstas a proxeccións de dous filmes galegos: “O Apóstolo” de Daniel Cortizo e “O que arde” de Óliver Laxe. Ademais contarase coa asistencia deste último director para a presentación e coloquio deste filme, o domingo 27 de decembro.
As proxeccións dos dous filmes son de balde ata completar a capacidade da sala e respectando todas as medidas hixiénico-sanitarias para previr a expansión da Covid-19, segundo informa o Museo Etnolóxico de Ribadavia, organizador do ciclo. A entrada será por orde de chegada.
Ademais estas dúas xornadas de cine serán o fin de festa do 50 aniversario do Cineclube Padre Feijóo, colaborador deste ciclo.
