Ata 25 vitorias e máis de oitenta medallas. É o sorprendente e meritorio saldo dos atletas de categorías menores da comarca de Valdeorras (Club Adas, escolas deportivas e Atletismo Rúa) e das escolas deportivas de Trives e do CEIP Bibei de Viana do Bolo, que competían o 19 de maio no campionato provincial escolar en pista Xogade, que se desenvolvía nas pistas de Monterrei en Pereiro de Aguiar.
Esta gran cantidade de títulos e de medallas dos atletas do “oriente ourensán avalan o bo traballo do seus adestradores/as e o entusiasmo dos nosos nenos/as”, indican dende o Adas Proinor, club que colleitaba unha gran parte dos títulos e metais.
