Continúa o descenso de casos activos de Covid-19 na provincia de Ourense. Segundo os datos notificados hoxe pola Consellería de Sanidade (actualizados ás 18h. do 5 de decembro), contabilízanse 402 positivos (17 menos que onte), mentres as hospitalizacións en planta son 37 (1 máis que onte) e 5 na UCI (as mesmas que onte). Os novos casos confirmados por PCR nas últimas 24 horas soben lixeiramente ata os 18 (fronte aos 13 de onte).
Con respecto aos ingresos o Hospital de Valdeorras mantén hoxe 5 pacientes con coronavirus en planta (os mesmo que onte), mentres que o Hospital de Verín ten 3 (1 máis que onte) e o Hospital Universitario de Ourense rexistra 29 en planta e 5 na Unidade de Coidados Intensivos (os mesmos que onte).
O total de casos rexistrados ata o de agora na provincia ascende a 7.673, con 6.975 curados e 295 falecidos, o último dos cales se rexistraba onte no Hospital Universitario de Ourense. Era un home de 77 anos. Polo de agora lévanse realizado 118.177 probas PCR e 65.231 probas serolóxicas.
Galicia rexistra 6.726 casos activos, 222 menos que onte
O número de casos activos de coronavirus en Galicia é de 6.726, o que supón 222 menos que onte, segundo a última actualización de Sanidade. Deles 1.376 son da área da Coruña, 788 da de Lugo, 402 da de Ourense, 990 da de Pontevedra, 1.800 da área de Vigo, 784 da de Santiago, e 586 da de Ferrol.
Do total de pacientes positivos, 64 están en UCI, 342 en unidades de hospitalización e 6.320 no domicilio. Polo de agora, en Galicia hai un total de 46.226 persoas curadas, rexistrándose 1.250 falecementos. O número de PCR realizadas é de 934.532
