Seguen subindo as cifras de positivos nos centros de ensino do Barco. Segundo os datos que vén de notificar a Xunta son xa 20 os casos rexistrados. Soben os positivos no CEIP Otero Pedrayo de Viloira, que pasa de 4 a 6 positivos. Dende o centro indican que se trata de alumnos que xa levan días sen acudir ao centro e que todas as familias do escolares do colexio están informadas.
Tamén no Colexio Divina Pastora do Barco se rexistra un novo positivo, sumando así un total de 5. O resto das cifras mantéñense: o CEIP Condesa de Fenosa ten 1 positivo e unha aula pechada, o CEIP Julio Gurriarán ten 3 positivos, o IES Martaguisela 2 e o IES Lauro Olmo 3, segundo os datos facilitados pola Xunta.