Nin sequera no tempo de Entroido descansan os Ecovixiantes de Franciscanas no seu empeño por protexer e manter limpos os espazos naturais da cidade de Ourense.
Así, na xornada deste mércores 10 de febreiro, o grupo celebraba o seu particular Carnaval medioambiental no Parque do Barbaña. Disfrazados e acompañados por Cristina e Gonzalo, os rapaces limpaban as beiras do río, crecido tralas últimas chuvias. Tamén recollían cabichas e colocaban unha docena de cinceiros, algo que fan en cada unha das saídas. Todo un exemplo de constancia e sostibilidade que levan a cabo coa colaboración de Ecourense, o Programa Stars España, Recíclate con Sogama e Stop Basuraleza.
Fotos cedidas.
