OurenseÚltima hora

Os Ecovixiantes de Ourense desexan “un ano 2022 cheo de saúde e de boas accións ambientais”

Os alumnos de Franciscanas celebraban a festa de Fin de Ano traballando polo medio ambiente

 

Con diversas actividades celebraban a festa de Fin de Ano os Ecovixiantes de Franciscanas de Ourense.

O Colexio Divina Pastora MM Franciscanas é centro de recollida de tapóns solidarios na cidade e esta semana  clasificaron 125 kg que o profesor Gonzalo Sánchez levou a Verín.

Por outro lado, a profesora Cristina Bravo dirixiu a actividade de bookcrossing, liberando libros que se colocaron na caseta do Centro Comercial Ponche Vella. “Agradecemos a Sogama a cesión de exemplares de Os Bolechas que ensinan á cidadanía os hábitos saudables da reciclaxe”, aseguran dende Ecovixiantes.

Ademais, este ano Gonzalo, Lalo, foi o mestre de cerimonias da festa de Fin de Ano, ben merecida, deste alumnado tan solidario e participativo. Turrón e doces do Nadal amenizaron un intre de diversión. Levaron agasallos, gorros e bufandas personalizados pola creatividade da coñecida scrapera de Verín, Chiqui.

Para terminar a xornada, depositaron na illa de eeciclaxe do colexio todos os envases lixeiros xerados, dentro do Plan Proxecta Recíclate con Sogama, desexando a todo o mundo “un ano 2022 cheo de saúde e de boas accións ambientais”.

 

Hugo Sánchez (no centro), Ecovixiante do mes.

 

Ecovixiante do mes

O alumno Hugo Fernández Mazaira recibe de mans do xefe de estudos, Jaime Álvarez, o galardón ao Ecovixiante do mes, destacando a solidarieade de Hugo, demostrada ao longo dos anos, así como “o seu altruísmo e bo facer cara a sostibilidade e o coidado do noso entorno”.

Artigos relacionados

Back to top button