O comité organizador da V Subida a Valdeorras, que se celebrará no Barco na vindeira fin de semana, vén de facer pública a relación de participantes rexistrados na proba, un total de 30 competidores. É unha lista “da máxima calidade en pilotos e máquinas destacan os principais equipos nacionais de Montaña, que chegan a Valdeorras coa clara idea de sumar puntos nas súas marcadoras particulares na cita da próxima fin de semana”, asegura.
Dentro desa relación figuran nomes como Javi Villa con BRC B59, Joseba Iraola con Nova NP01, o galego Jacobo Senín con Nova NP01, Toni Arrufat con Silver Car S3, David Cánovas con Talex M3… ou os espectaculares turismos de Gerard da Casa (Ford Festa R5), Jordi Gaig (Porsche 911 GT3), José Antonio Sánchez (BMW 328i), Félix Macías (Skoda Fabia R5) ou Jorge Pérez (Porsche 911 GT3) formarán parte dunha proba que achegará o nacional de Montaña á provincia de Ourense.
