Dobre título para os xogadores de fútbol sala das Escolas Deportivas de Trives. Na final provincial de Xogade que se desenvolvía o 26 de maio no pavillón ourensán dos Remedios, o conxunto trivés proclamábase campión nas categorías cadete e infantil.
Así, na final cadete os triveses ganaban ao Prolsport por 3 goles (de Samuel, Eric e Saúl) a 1, mentres que na final infantil derrotaban ao F.S. Celanova por 3 goles (de Servando, Iago e Hugo) a cero. O Concello da Pobra de Trives vén de expresar publicamente a súa noraboa a estes dous equipos “por estes grandes triunfos que están acadando e, por suposto, ao seu adestrador Tino Sierra”.
Fotos cedidas polo Concello da Pobra de Trives.