Finalmente tres eran os podios que o Club Adas Cupa do Barco sumaba no Campionato galego de clubs Su10 e Sub12 que se desenvolvía ao longo deste venres 17 de maio nas pistas de atletismo barquenses. Así, o ouro logrado polo equipo masculino Su12 durante a mañá engadíanse outros dous podios na competición Sub10 que tiña lugar pola tarde: o título galego para o equipo masculino e un segundo posto para o feminino.
Deste xeito, os resultados do galego masculino Sub10, logo das nove probas da cita, eran os seguintes: primeiro posto para o Club Adas (42 puntos), segundo para o Atletismo Narón (39) e terceiro para a ACD A Piringalla (37). O palmarés feminino Sub10 estaba dominado polo Beade (52,5), seguido polo equipo do Club Adas Cupa (49,7¡5) e polo CA Millaraio (48).
Fotos: A.R.