Arredor da temática do patrimonio cultural e humanidade dixitais xira a segunda xornada do congreso internacional sobre patrimonio cultural e natural que se está a desenvolver dende onte nas Terras de Trives. Neste sábado 11 de novembro o programa comezaba ás 9:30h. e tiña como escenario a adega A Corga (Trives). As sesións incluían a presentación dun traballo sobre arqueoloxía e patrimonio en Croacia, despois arqueólogos portugueses falarán da Espada de Mouruás (San Xoán de Río), que tras viaxar a Alemaña para investigar esta espada e presentar os seus primeiros resultados en Bruxelas.
A continuación expoñíase o proxecto de dixitalización da auga no Alto Douro Viñateiro (zona de viticultura heroíca en Portugal). As seguintes conferencias versaban sobre os arquivos, a súa dixitalización e posta en valor para o desenvolvemento rural. Acto seguido os expertos europeos descubrían o rescate e revitalización das viñas que está facendo a Adega A Corga de Trives. Investigadores da Universidade de Vigo do Proxecto Europeo Granular tamén presentaban o seu Living Lab e antes do parón para xantar, tratábanse os temas de compostaxe e cosmética natural.
O sábado pola tarde está previsto o grupo de campaneiros de Estremadura e o valenciano Francesc Llop realizarán un taller de toque de campás na igrexa parroquial de Trives. Por último, os asistentes participarán no magosto de Trives.
Fotos cedidas.