O toque de bombos e aixadas facía vibrar Petín na tarde deste sábado 8 de febreiro. Ata oito folións de diferentes partes do oriente ourensán dábanse cita nesta vila para participar na xuntanza promovida polos Arrieiros.
Así percorrían a vila as Mázcaras de Buxán (O Bolo), bailando ao ritmo do seu folión, tamén Os Labregos (Trives), cos seus Boteiros, o Folión de Chandrexa de Queixa, o Irrio de Castro Caldelas, os folións triveses A Caniceira, As Maceiras e A Lardeira, e finalmente, o anfitrión: Os Arrieiros de Petín.
O desfile finalizaba na praza e, seguidamente, os folións asistentes eran agasallados cunha merenda no Tele Club.
Fotos: Carlos G. Hervella.
