Un total de 123 deportistas (80 homes e 43 mulleres) de todos os clubs da provincia, participaban esta fin de semana na 2º regata provincial de piragüismo que forma parte da liga ourensá, Copa Deputación 2023.
Organizada polo Club piragüismo Fluvial Avión-Castrelo de Miño, celebrábase no parque náutico de Castrelo de Miño, ante numeroso público situado á beira do embalse, cun percorrido de 1.000m para as categorías pre benxamín, benxamín e alevín; 2.000m para a infantil e 4.000m para os cadetes.
Por clubs o primeiro posto da clasificación foi para Piragüismo Ourense, o segundo para Fluvial Avión-Castrelo de Miño; e o terceiro para Fluvial O Barco. Fluvial Allariz foi cuarto e S. C.D.X Fontefría (Muíños), quinto
A entrega de trofeos foi realizada polo alcalde de Castrelo de Miño, Avelino Pazos e polo concelleiro de deportes José Antonio Ferreiro.
