Ata unha decena de medallas sumaban os atletas das Escolas Deportivas de Trives no Campionato provincial de campo a través que se celebraba neste 6 de decembro en Xinzo de Limia. Alí competían coa camiseta do Club Adas Cupa do Barco.
Así, Martín Rey en Sub-16 quedaba terceiro a nivel individual e era prata por equipos; Antón Prieto proclamábase campión por equipos Sub-12; mentres que Deva Posada, Alejandra Prieto, Ana Basalo e Ainhoa Pérez quedaban segundas por equipos en Sub-12. Finalmente, Adrián Pérez, Gerard González e Ángel Rincón eran tamén segundos por equipos en Sub10.
“Cada vez estou máis orgulloso dos meus atletas, en todos as probas sempre dan o mellor, sobre todo hoxe que facía moito frío no hipódromo de Xinzo, grazas aos pais por estar sempre connosco e ao Concello de Trives”, sinala o adestrador das escolas trivesas, Tino Sierra.
Fotos cedidas.
