Celtia Figueiras vén de poñer en marcha nesta instalación cultural o programa “Estacións en contos” na tarde do 7 de abril
Cada estación, un conto. É a proposta do programa que poñía en marcha Celtia Figueiras na tarde do 7 de abril na Biblioteca Municipal de Verín. Leva por título “Estacións en contos” e inclúe catro contacontos distribuídos ao longo do ano con estéticas e dinámicas diferentes, en función de cada estación.
A actividade principiaba con “Contos na Primavera”. Estaba destinada a un máximo de 40 nenos/as socios/as da instalación, con idades comprendidas entre os 3 e 9 anos. Este programa sitúase “no marco da programación de actividades destinadas ao fomento da lectura e dinamización”, segundo a Biblioteca Municipal de Verín.
Fotos: Biblioteca Municipal de Verín.
