Vilamartín de Valdeorras pecha hoxe as festas patronais na honra a San Xurxo con outra xornada cargada de actividades.
Este domingo 27 de abril comezaba co pasarrúas e posterior sesión vermú a cargo dos Parrandas de Córgomo; e actividades para os máis pequenos no pavillón. E xa ás 13 horas tiña lugar un dos actos máis destacados, a segunda procesión na honra ao patrón que nesta ocasión, en lugar da praza como a do mércores día 23, chegaba ata A Rodeleira co acompañamento musical dos Parrandas, para regresar de novo ata a igrexa parroquial onde tiña lugar a eucaristía.
E xa pola tarde, ás 19 horas terá lugar a cata conmemorativa do 80 aniversario da D.O Valdeorra, na Adega O Cabalín; poñendo o broche ás festas a orquestra Saudade que actuará en sesión de tarde longa, sen verbena (de 19:30 a 22:30 horas aproximadamente).
Fotos e vídeo: Carlos G. Hervella.
