De xeito intenso vivían os vianeses a xornada do Martes do Entroido. Os toques dos folións envolvían a vila durante o día e, sobre todo, pola noite. Desatábanse as guerras de fariña e as carreiras entre mozos e mozas.
Especialmente emocionante resultaba a queima dos Lardeiros, chegada a medianoite. Centos de persoas, tocando incesantemente bombos e aixadas, cos rostros totalmente enfariñados, e entre bágoas, despedían na praza Maior de Viana o tempo da troula mentres estoupaban os lardeiros no alto do mastro.
Fotos: Carlos G. Hervella.