Complícase de novo a situación no incendio de Valdeorras. Un dos puntos que máis preocupa nestes momentos é a zona do límite entre Carballeda e o Puente de Domingo Flórez, no límite entre as provincias de Ourense e León. Así pode verse nestas imaxes tomadas en Pumares (Carballeda de Valdeorras).
Especialmente difícil está sendo neste momento a situación en Quereño coas chamas moi preto das casas. No lugar están traballando numerosos medios de exitnción terrestre e aéreo.
Como consecuencia deste incendio está tamén cortada a estrada N-536 no límite provincial dende ás 19:18h. desta tarde, segundo informa a DXT.
Fotos e vídeos cedidos.
