Na noite do 5 de xaneiro, os homes de Chaguazoso (A Mezquita) saían cantar os Reis polo pobo. Ao día seguinte a comitiva, encabezada polos dous Reis (autoridades da festa), percorría de novo a localidade para recoller os aguinaldos dos veciños. Dela formaba parte A Rita, un home vestido de muller, xunto cos camareiros e un grupo de música tradicional.
Tras rematar a ronda, todos asistían á misa de Reis, na que se reunían coas Raíñas (xa que as mulleres celebran a súa propia de Reis) e co resto dos veciños. Logo compartían un dos numerosos xantares desta celebración que se prolonga varios días.
Fotos: Carlos G. Hervella.
