A Sala Aturuxo de Bueu (Pontevedra) acollerá o vindeiro xoves 13 de agosto ás 20h. un relatorio arredor do ensaio “Lluvia oblicua” (Pre-textos, 2020), o último libro do filósofo compostelán, profesor e crítico de cine e arte, Ignacio Castro Rey.
Neste acto, organizado pola Librería Miranda, o autor estará acompañado por Manolo Romón (escritor e membro do grupo Rompente de Acción Poética), Daniel Bernárdez (ex presidente da Asociación O Eixo de Santiago) e Xaime Toxo (presidente do Ateneo de Pontevedra).
Con este novo libro, Castro Rey trata de “pensar con todo o detalle posible a materialidade, ás veces moi laberíntica, que é cotiá para o máis común dos mortais”, asegura.