Na xornada deste xoves 9 de decembro, o Centro de Día da Rúa clausuraba o taller de autocoidado que se viña impartindo dende o 23 de setembro na sala multiusos do Concello rues.
Baixo o lema “Eu cóidome, e ti?” a psicóloga do centro, Soledad Diéguez, dinamizou 12 sesións semanais nas que se traballaron temáticas como a autoestima, relaxación, empatía, mente e corpo san.
Dada a boa acollida que tivo esta actividade xa se está planificando unha nova edición a partir do mes de xaneiro. As persoas interesadas poden informarse e inscribirse no teléfono 988312302.
O centro de día de A Rúa, dentro do seu programa de actividades comunitarias, tamén impartiu no mes de novembro unha charla de envellecemento saudable na que participaron máis de 30 persoas.