Os representantes das catro denominacións de orixe ourensás (Ribeiro, Monterrei, Ribeira Sacra e Valdeorras) mantiñan na mañá do 19 de setembro un encontro co subdelegado do Goberno en Ourense, Roberto Castro; e con representantes doutras Administracións e membros das Forzas e Corpos de Seguridade sobre o control dos produtos vitivinícolas.
Á xuntanza asistían o secretario xeral da Subdelegación, o xefe territorial de Presidencia, o comisario xefe provincial do CNP, o comandante da Garda Civil, o sarxento 1º Oficina Plana Maior Subsector Tráfico, o xefe provincial da Unidade Adscrita do CNP, e os presidentes dos Consellos Reguladores da DO de Monterrei, Ribeiro e Valdeorras, asi como a responsable de comunicación do Consello Regulador da Ribeira Sacra.
