Continúan os preparativos de La Vuelta 2016 que se disputará do sábado 20 de agosto ao domingo 11 de setembro, coas catro primeiras etapas pola provincia de Ourense. Así, na mañá do 13 de xullo, o subdelegado do Goberno, Roberto Castro, presidía a reunión de coordinación do operativo da ronda ciclista, desenvolvida na Subdelegación.
Xunto ao subdelegado, na reunión estiveron presentes o vicesecretario xeral da Subdelegación do Goberno, dous representantes de UNIPUBLIC, o Tenente Coronel da Comandancia de Ourense, o Capitán do Subsector de Tráfico, o Xefe Provincial de Tráfico, o Inspector Xefe de Seguridade Cidadá, a Intendente Xefa e o Inspector Principal da Policía Local de Ourense, a secretaria territorial da Xunta e o Xerente do INORDE.
A xuntanza contou asemade coa presenza de diversos alcaldes, concelleiros e representantes dos municipios polos que pasa o percorrido das catro etapas da provincia.
Fotos: Carlos G. Hervella
