Un ano máis a localidade barquense de Outarelo celebrará a Romaría de San Francisco Blanco, mártir do Tameiron (A Gudiña) e avogado da dor de cabeza o primeiro sábado de febreiro.
O triduo celebrarase do 31 de xaneiro ao 2 de febreiro ás cinco e media da tarde, e o día central será o día 3 con misas cada hora dende as dez e media da mañá. Con todo o momento máis esperado polos devotos de San Francisco Blanco chegará ás 12:30 horas cando dé comezo a procesión coa imaxe e reliquia (cráneo) do santo polo pobo, amenizada polo grupo de gaiteiros Celtas Largos, que rematará coa eucaristía.
Ese día haberá polbo e churrasco na praza do pobo así como as tradicionais “rosquilas” nos postos diante da capela e o domingo 4 de febreiro, haberá misa de San Antón ás 13:15 horas.
