Á beira da capilla de Triguás (Parada de Sil), e do miradoiro recén restaurado, terá lugar o vindeiro 21 de agosto a Romaría de Triguás, coa verbena do dia anterior. A procesión e a misa solemne coa Nosa Señora de Triguás está prevista para as 13h.
Con motivo desta romaría numerosas persoas se xuntaban de merenda e na capela. Esta celebración conta con todo o apoio do Concello de Parada de Sil e do seu alcalde, Aquilino Domínguez.
Cine de verán en Parada de Sil
Por outra banda, o vindeiro xoves 18 de agosto terá lugar unha nova sesión do programa de cine de verán do Concello de Parada de Sil. Desta volta proxectarase o filme rodado na Ribeira Sacra “Live is life”, do director monfortino Dani de la Torre.
