Que os milanos reais que veñen pasar o inverno a España tardan uns 10 días en volver ás súas zonas de cría en Centroeuropa, ou que a maioría das cegoñas brancas adultas quedan a invernar en España, son datos que se poden saber grazas ao marcado de aves con dispositivos de seguimento remoto. Datos, que nos últimos anos aporta o programa Migra, desenvolvido por SEO/BirdLife (Sociedad Española de Ornitología) co apoio de Fundación Iberdrola, para coñecer os desprazamentos, rutas migratorias, áreas de invernada e movementos dispersivos de tódalas especies de aves presentes en España.
A información deste programa está dispoñible na páxina web www.migraciondeaves.org que acumula máis de medio millón de localizacións de 244 exemplares de 23 especies de aves. Así, quen o desexe ten acceso ás proezas que realizan estos seres alados, como un xove milano real voando máis de 6.000 quilómetros en nove meses; un birro común invernando en Zanzíbar; ou unha golondrina común que migra 3.500 quilómetros en 30 días.
Neste ano 2014 o programa Migra de SEO/BirdLife continuou coa marcaxe de 81 aves: aguias calzadas, milanos reais, cegoñas brancas, buitres negros, mouchos de orellas europeos e birros comúns por toda a xeografía española, 5 deles en Galicia (1 aguia calzada, 2 mouchos de orellas e 2 cegoñas brancas). Os máis grandes son marcados con dispositivos que levan GPS, mentres que os máis pequeños levan xeolocalizadores de tan só 0,6 gramos de peso.
