Aínda que forma leve, seguen subindo os casos activos de Covid-19 en Valdeorras. A comarca rexistra neste martes 12 de abril 101 positivos (actualizados ás 18h. de onte), o que supón 4 máis que o venres, o último día no que a Consellería de Sanidade daba os datos de contaxios.
Aumentan os positivos no Barco con 55 positivos (11 máis que o venres) e no Bolo con 5 (1 máis que o venres). En cambio, baixan en Rubiá que ten 4 (3 menos que o venres), na Veiga que conta con 2 (1 menos que o venres) e Vilamartín que rexistra 11 positivos (4 menos que o venres).
Os datos mantéñense igual que o pasado venres en Carballeda con 2 positivos, en Larouco con outros 2 positivos e na Rúa con 20. Ademais, Petín continúa libre de coronavirus.
No relativo aos ingresos, o Hospital Público de Valdeorras rexistra 2 en planta con Covid, 1 máis que o venres.
