O Concello de Quiroga será o convidado de honra da XLIII Feira do viño de Amandi, que se vai celebrar os días 31 de marzo, 1 e 2 de abril en Sober, coincidindo como é habitual coa fin de semana do Domingo de Ramos.
Para a presente edición están inscritas 23 adegas da subzona de Amandi. O Concello de Sober dará a coñecer este sábado ás 12:00 do mediodía no hórreo romano de Proendos a programación do do Mes do Amandi e da Feira do viño, xunto co cartel anunciador, obra do deseñador gráfico de Arzúa Daniel Camino Barral.
Este ano por vez primeira a feira dará comezo na xornada do venres pola tarde.
