Sofía Álvarez, do IES Martaguisela, pasa á fase final da Olimpíada Matemática Galega 2018

O IES Martaguisela do Barco de Valdeorras está de noraboa. Unha das súas alumnas, Sofía Álvarez Fernández, é unha das finalistas da Olimpíada Matemática Galega 2018.

Sofia presentouse, xunto con 461 alumnos de toda Galicia, á fase de zona celebrada en Ourense o pasado 26 de abril, conseguindo pasar á fase final xunto con 53 alumnos máis de toda a comunidade.

A final celebrarase en Lugo o vindeiro 24 de maio e dende o insituto destacan que “dos 53 alumnos presentados na provincia de Ourense, só conseguiron pasar á fase final, 5 e unicamente Sofía, en toda Valdeorras”.