ConcellosÚltima horaVilariño de Conso

Soleada xornada micolóxica en Vilariño de Conso

Na actividade, con saída de campo e clasificación de cogomelos incluída, participaron unhas 25 persoas

 

Estamos en tempo de cogomelos e cunha espléndida e soleada mañá se atopaban os participantes na xornada micolóxica que se está celebrando en Vilariño de Conso.

Coordinado por Alejandro R. Mínguez González (fundador e secretario da Asociación Cultural e Micolóxica de Celanova) o programa arrancaba en torno ás 10:30h cunha charla sobre o tipo de cogomelos e as características para diferencialos no Centro de Interpretación dos Cogumelos. En torno ao mediodía tiña lugar a saída de campo coas cestas e navallas prepararadas e xa de regreso no pobo, procedíase á clasificación dos cogomelos recollidos.

 

Os participantes na saída de campo para recoller cogomelos.

 

Debido ás medidas de seguridade polo coronavirus, as prazas estaban limitadas sendo unhas 25 persoas, entre asistentes e organizadores, os que desfrutaban da xornada micolóxica nesta mañá de outono.

Fotos: Carlos G. Hervella

Máis información e fotos no seguinte enlace: https://osil.info/recollida-seleccion-e-degustacion-de-cogomelos-na-xornada-micoloxica-de-vilarino-de-conso/

Artigos relacionados

Back to top button