Con gran solemnidade e corte de cinta ficticio incluído, comezaba na mañá deste mércores 11 de setembro o novo curso escolar no Colexio Plurilingüe Divina Pastora do Barco de Valdeorras.
A ESO comezaba antes pero Educación Infantil e Primaria farcíao en torno ás 9:15 horas. Con todo o alumnado reunido no patio cuberto e distribuído por cursos, a directora do centro María del Carmen Páramo (acompañada polo equipo docente) daba a benvida aos cativos asegurándolles que, tanto eles “como todos vos e as familias formamos parte desta gran viaxe educativa”, sendo o desexo de todo o profesorado “que aproveitedes e desfrutedes de todas as experiencias que temos preparadas”, dixo.
De seguido procedía a desfacer o lazo axudada por dous nenos para acceder ao centro e cada un á súa aula.
Fotos cedidas.
