Son do Sil regresa ao Luar da Televisión de Galicia

Non paran. Despois de actuar en diferentes espazos da comarca e fóra dela, Son do Sil regresa esta noite, o plató de Luar, na Televisión de Galicia.

Non é a primeira vez que actúan no programa musical e de humor presentado por Gayoso, de feito debe ser a cuarta, pero sen dúbida volverán subir ao escenario coa mesma ilusión, cunha selección de temas cargados de lembranzas.

No programa número 1.145 de Luar (26 de outubro), tamén actuarán Camela, Atacados, a Orquesta Pontevedra,  Marietta, Tras o Eo do C.C. A Ponte Vella, Astarot, Ana Angueira, Regina Trigo e María da Pontragha. En recantos estréanse a representante de Portugal Norte, Velusa, e a das Terras da Coruña, Dolores Tasende.