SanidadeÚltima hora

Terceira dose para o grupo de 40 a 49 anos no Hospital de Valdeorras nesta semana

 

Continúa a administración da dose de reforzo da vacina contra o Covid-19 na Área Sanitaria de Ourense, Verín e O Barco nesta semana. Así neste luns estase a administrar a terceira dose a colectivos que recibiron a de AstraZeneca menores de 50 anos, tanto en Ourense (en Expourense con 1650 persoas citadas pola mañá e outras tantas pola tarde), no Hospital de Valdeorras e no de Verín (198 de mañá a mesma cifra de tarde en ambos).

O martes, o mércores e o xoves recibirán a terceira picada da vacina as persoas do grupo de idade de 40-49 anos: en Expourense están citadas unhas 1650 persoas por quenda, mentres que no Hospital de Valdeorras e no Verín serán 198 por quenda, segundo indica a Consellería de Sanidade.

O venres, só de mañá, haberá “repescas de campañas anteriores”: 1.650 persoas citadas en Expourense e 200 no Hospital de Valdeorras e outras tantas no de Verín.

Artigos relacionados

Back to top button