Dous fermosos exemplares de troita veñen de ser capturados nas últimas horas polo pescador barquense Daniel Prada, presidente do Club de Pesca Deportiva Spinning Valdeorras. Unha delas pescábaa onte e outra nesta mañá, ambas no río Sil ao seu paso pola comarca. Tiñan un peso aproximado de entre 3,5 kg e 4 kg.
Ademais as dúas troitas foron devoltas ás augas do Sil, xa que este club valdeorrés aposta por unha pesca deportiva responsable e sen morte.
