Na autovía A-52, ao seu paso polo municipio da Gudiña, rexistrábase esta mañá un accidente de tráfico, arredor das 10:30h. O sinistro tiña lugar no quilómetro 124,800, en sentido de circulación decrecente. Producíase un alcance dun vehículo articulado a outro vehículo articulado que se atopaba avariado, incendiándose un dos dous vehículos. Un dos condutores resultaba ferido leve.
Como consecuencia do accidente, está totalmente cortada netes momentos a circulación sentido decrecente “desviando a mesma pola poboación da Gudiña, PK 129 ata PK 119 por N-525, segundo informa a Garda Civil. Ademais sacábase en sentido contrario a vehículos que quedaran atrapados no corte.
En canto se teñan máis datos, ampliarase información.
Fotos e vídeo cedidos.