Pasadas as once e media desta mañá un aviso por fume no interior do garaxe subterráneo do céntrico edificio Multiusos do Barco mobilizaba aos equipos de emerxencia. Era un policía local o que se percataba da presenza de numeroso fume do lugar e daba a alerta, tal e como informaba o alcalde do Barco, Alfredo García. Ata alí desprazábanse de inmediato o GES Valdeorras e os bombeiros do parque comarcal, así como a Policía Local.
Os equipos de emerxencia inspeccionaban o lugar, pero non detectaban nada, polo que se cre que o fume puido ser debido a que algún vehículo arrancou e quedou acumulado do lugar, segundo explicaba o alcalde.
Ao tratarse dun lugar tan céntrico da vila, a presenza dos equipos de emerxencia chamaba a atención dos viandantes.
