Pouco despois da saída de vía en Carballeda de Avia, producíase outro accidente de tráfico na provincia de Ourense. En torno ás 8:45 horas deste luns 9 de setembro, o 112 Galicia recibía o aviso dunha saída de vía dun turismo e posterior envorcamento no patio dunha vivenda en Outeiro, na parroquia de Cudeiro, próximo á OU-150, no termo municipal de Ourense.
Era un particular quen informaba do envorcamento, asegurando que “unha ocupante do vehículo está saído e parece que está ferida, polo que demos aviso a Urxencias Sanitarias, Garda Civil de Tráfico, Bombeiros por se fose necesario e Policía Local de Ourense”, din dende o 112.
Ata o lugar acudía a Patrulla OU-106, sendo a “Policía Local quen informaba in situ da evacuación da única ocupante do vehículo ao Hospital de Ourense, dando negativo nas probas de alcohol e drogas”, engaden dende a Garda Civil de Ourense.
