As casas que dan ao río Sil na parte antiga do Barco están asentadas sobre pedra. Nunha delas, na parte da adega o seu propietario decidía manter parte desta base de lousa á vista e recrear sobre ela a actividade do sector da lousa, da que Valdeorras é un referente mundial. Pode verse dende o proceso extractivo en canteira ata a zona de lotes de lousa destinados á exportación.
Comenta este veciño da zona vella que aínda lle quedan elementos por completar, como o da parte humana participando neste proceso mineiro.
