Fronte á cancelación dunha cita gastronómica xa moi asentada como é a Festa a do Botelo do Barco, declarada de interese turístico galego, xorden iniciativas empresariais que propoñen celebrala na casa e de forma segura. Así se fai dende a plataforma de venda online valdeorresa https://retornoalpueblo.com/.
Nela poden atoparse dous lotes especiais para facer a “Festa do Botelo” no fogar con todos os produtos de calidade necestarios e que se poden poñer no domicilio nun tempo de 24/48 horas: dende patacas e grelos de Loquita (O Barco), botelos de Embutidos García Marcos (Viana do Bolo), chourizos frescos de Murias (Petín), aceite de oliva Aceiroga (Quiroga), bica, lacón curado, licor café Barbudos (receita tradicional do Barco), viño da Cooperativa Xesús Nazareno (O Barco) e vermú artesano “Carmela” da Rúa.
Ademais as persoas que fagan o seu pedido a través desta páxina de venda online entrarán no sorteo dunha camiseta do CD Barco.
