Esta tarde unha persoa era evacuada en helicóptero ao centro hospitalario de referencia tras caer do tellado do seu domicilio en Monterrei, segundo informa o 112 Galicia. O persoal de Urxencias Sanitarias de Galicia-061 mobilizou o helicóptero medicalizado con base en Ourense.
O aviso chegou ao 112 Galicia a través dos servizos sanitarios, á súa vez alertados por un familiar do accidentado contra as 15:45 horas. Axiña, os xestores do 112 solicitaron a colaboración da Garda Civil e dos voluntarios de Protección Civil de Cualedro-Monterrei. “Foron estes últimos os que sinalaban que o home foi finalmente trasladado en helicóptero ao hospital”, indica o 112 Galicia.
