Na mañá deste luns 13 de maio unha persoa tivo que ser atendida tras sufrir unha picadura de avespa en Laza, tal como informan dende o 112 Galicia, puntualizando que o suceso tiña lugar pouco antes das 8 horas nunha vivenda do lugar do Castro.
“O implicado perdeu a consciencia tralo suceso e o 112 Galicia foi informado por Urxencias Sanitarias de Galicia-061 da saída do helicóptero medicalizado con base en Ourense”, indican dende o Centro Integrado de Atención ás Emerxencias que, nada máis ter constancia dos feitos solicitaban a acción do GES de Laza, cuxos membros se desprazaron ao punto a bordo dunha ambulancia.
