Nesta semana intensificarase a campaña de vacinación. Así, neste luns 3 de xaneiro continúa a administrarse a terceira dose ás persoas de entre 40 e 49 anos na provincia de Ourense, en horario de 9 a 14:30h. e de 15:30h. a 21h. Así, en Expourense están citadas 2.500 persoas (+500 repescas e 150 segundas), no Hospital Valdeorras no Barco 250 (+100 repescas) e no Hospital de Verín: 200 (+40 repescas), segundo informa a Consellería de Sanidade.
Para mañá martes 4 de xaneiro están citados (de 9h. a 14:30h. e de 15:30h. a 21h) nenos e nenas entre 5 e 11 anos (principalmente entre 5 e 9, e moitas repescas que non poideron acudir anteriormente). No caso de Expourense son 2.000, no Hospital do Barco están citados 300 e no de Verín outros 300.
Xa o mércores 5 de xaneiro (só de mañá), de 9 a 14:30h. están citados nenos e nenas entre 5 e 11 anos: 1.100 en Expourense, 150 no Hospital do Barco e 100 no de Verín. O día de Reis, 6 de xaneiro, non haberá vacinacións, e retomaranse o venres día 7 coa administración da dose de reforzo a persoas de entre 40 e 49 anos (mañá e tarde, de 9h. a 14:30h. e de 15:30h. a 21h). En Expourense están citadas 2.200 persoas (+500 repescas), no caso do Hospital de Valdeorras serán 250 (+100 repescas) e no de Verín 200 (+50 repescas), segundo adianta Sanidade.
Finalmente o sábado e o domingo haberá vacinación para persoas de entre 40 e 49 anos (de 9 a 14.30 e de 15.30 a 21h). No caso do sábado serán 2.000 os citados en Expourense (+ 500 repescas), no Barco: 250 (+100 repescas) e en Verín: 200 (+50 repescas). O domingo están convocados en Expourense 1.000 (+ 1.500 repescas), no Barco 150 (+180 repescas) e en Verín 100 (+130 repescas)
