Continúa á tendencia á alza nos casos activos de Covid-19 en Valdeorras. Así, a comarca rexistra neste 13 de decembro un total de 154 positivos por coronavirus (48 máis que o pasado venres, cando se facían públicas as anteriores estatísticas), segundo os datos do Sergas actualizados ás 18h. de onte.
Case todos os municipios experimentan un aumento de casos positivos, se ben destaca o incremento rexistrado na Rúa, que duplica as súas cifras ao pasar dos 26 positivos do pasado venres a 55 neste luns, o que supón 29 máis.
Tamén medran os casos no Barco con 41 positivos (7 máis que o venres), no Bolo con 12 (7 máis que o venres), Petín ten 7 (2 máis que o venres), Rubiá con 1 positivo (ata o de agora estaba libre de virus) e Vilamartín con 5 positivos (4 máis que o venres).
Mantéñense os casos en Larouco con 11 positivos (os mesmos que o venres) e en Carballeda de Valdeorras con 2 positivos.
Por contra, baixan no concello da Veiga con 20 positivos (2 menos que o pasado venres).
En canto aos ingresos por Covid, o Hospital Público de Valdeorras rexistra 1 ingreso por Covid en planta, 1 menos que o pasado venres.
