Repuntan os casos activos de coronavirus en Valdeorras. A comarca contabiliza un total de 150 positivos (datos actualizados ás 18h. de onte), o que supón 12 máis que os da xornada de onte, segundo as cifras feitas públicas pola Consellería de Sanidade.
Os contaxios activos aumentan no Barco con 72 positivos (5 máis que onte), en Larouco con 7 (2 máis que onte), na Rúa con 23 (4 máis que onte), en Rubiá con 13 (1 máis que onte) e na Veiga con 1 (ata de agora estaba libre de virus). Por contra, os contaxios activos baixan en Carballeda de Valdeorras con 24 positivos (1 menos que onte).
Ademais mantéñense os datos de onte no Bolo con 1 positivos, en Petín con 4 positivos e en Vilamartín de Valdeorras con 5 positivos, as mesmas cifras que onte.
En canto aos ingresos, o Hospital Público de Valdeorras rexistra 5 hospitalizacións en planta por coronavirus, a mesma cifra que onte.
