Nova xornada de descenso nos casos activos de coronavirus en Valdeorras. A comarca rexistra 156 positivos, segundo os datos feitos públicos hoxe pola Consellería de Sanidade (actualizados ás 18h. de onte).
O único municipio que experimenta un incremento de contaxios activos é Carballeda con 12, 3 máis que onte.
En cambio, baixan os positivos no Barco con 102 positivos, 4 menos que onte; no Bolo con 9 (5 menos que onte), na Rúa con 19 (8 menos que onte) e na Veiga con 5 (1 menos que onte).
Os datos mantéñense igual que onte en Rubiá con 2 positivos e en Vilamartín con 7 positivos. Os concellos de Larouco e Petín seguen libres de virus.
No que se refire ás hospitalizacións, o Hospital Público de Valdeorras continúa con 4 ingresos en planta por Covid, a mesma cifra de onte.
