Descende o número total de casos activos de coronavirus en Valdeorras. Así, na xornada deste martes 3 de maio a comarca suma un total de 382 positivos (datos da Consellería de Sanidade actualizados ás 18h. de onte), o que supón 39 menos que o pasado venres, o último día no que o Sergas fixo públicos os datos.
Os casos activos aumentan en Larouco que rexistra 4 (1 máis que o venres), en Petín que 10 (1 máis) e en Vilamartín, que conta con 148 casos, 29 máis que o pasado venres. Por contra, baixan os casos no Barco que ten 120 (14 menos que o venres), O Bolo que ten 6 (2 menos), en Carballeda de Valdeorras que ten 9 (2 menos), A Rúa que baixou 50 casos e conta con 65 e A Veiga que ten 5 (2 menos que o venres).
As cifras mantéñense igual que o pasado venres en Rubiá que que segue con 15.
No que atinxe aos ingresos, o Hospital Público de Valdeorras rexistra 11 ingresos en planta por Covid, 4 menos que o pasado venres.
