Como era de esperar, trala Semana Santa volve subir o número total de casos activos de Covid-19 en Valdeorras. Así, a comarca rexistra neste martes 19 de abril 150 positivos (actualizados ás 18h. de onte), o que supón 55 máis que o pasado 13 de abril, o último día no que a Consellería de Sanidade facilitaba os datos.
Soben considerablemente os positivos no Barco con 89 (36 máis que o pasado mércores), en Carballeda con 6 (4 máis), en Petín que pasou de cero a 2, e na Rúa con 31 (15 máis que o pasado mércores). En cambio baixan na Veiga con 1 (1 memos) e en Vilamartín con 8 (1 menos).
Os datos mantéñense igual que antes da Semana Santa no Bolo que segue con 5 positivos, en Larouco con 2 positivos e en Rubiá que continúa con 6.
