O Concello de Vilamartín vén de tomar medidas ante a actual situación de seca. O seu alcalde, Enrique Álvarez, vén de publicar un bando municipal no que anuncia “cortes programados de auga “por zonas durante a noite para que se poida recuperar o caudal dos depósitos e poder abastecer polo día sen problemas”.
Así nesta mesma xornada de 3 agosto farase un corte nos barrios vilamartineses da Rodeleira e da Magdalena. Os cortes faranse entre as 23h. e as 7h., segundo se indica no mesmo bando.
